كتب: بسام رمضان
روى الفنان صلاح عبدالله تفاصيل «مقلب» أوقعه فيه الفنان عادل إمام في فيلم «المنسي».
وتابع «عبدالله»، في برنامج «رأي عام» على قناة ten مع عمرو عبدالحميد: «كنت أؤدي دور زوج أخت الزعيم في الفيلم، ودوري 5 أيام تصوير، فجيت آخر يوم تصوير ليه، وكنا في شارع، والمنتج الفني محمد زين قالي هديك الفلوس على بعضها عشان البركة وكده».
وأضاف: «بعدها سلمت على كله، وشريف عرفة، وعادل إمام، قالي عادل استنى شوية ونروّح سوا، وبقول لمحمد زين فين الفلوس، قالي فلوس إيه، راحت البهجة قلبت لزعل، وقالي هو الأستاذ شريف مقالكش، وأستاذ عادل إمام عايز الفلوس بتاعتك، روحت قولتله أستاذ عادل مين، قولت لمحمد زين إنت بتتكلم جد، وروحت كلمت عادل إمام قالي فلوس إيه، وروحت لشريف عرفة قالي أستاذ عادل وزع فلوسك على العمال، وهو طلع حاجزهم عشان عايز يقعد معايا وممشيش».
